El 9 de payares va cellebrase en Xixón la última edición 2019 d’Amosando, ciclu de presentaciones de discos entamáu por musicasturiana.com. Anabel Santiago y Eva Tejedor van ser les protagonistes d’esti conciertu/grabación. Si quies venir como públicu, pues ganar una de les 20 entraes qu’hai participando nesti sortéu.
Anabel Santiago vuelve a innovar nel so nuevu trabayu ‘Y_Andá’ y lleva la so propuesta al ámbitu de la música electrónica y del pop, calteniendo tamién el raigañu de la tradición.
Eva Tejedor y Les Pandereteres ye un grupu folk de percusión asturiana. ‘L’Entamu‘ ye’l so primer discu, formáu por cantares de composición propia y reellaboración tradicional.
Amosando en 2019
Con esti conciertu/grabación ponemos el ramu a Amosando 2019. Nél participaron L-R, Xaime Martínez, Ún de Grao y D’Urria. La iniciativa ye de musicasturiana.com, ta grabada pol realizador Javier Lueje, producida por Goxe Producciones y patrocinada por Xixón Turismu y Caxa Rural d’Asturies.