Eva Tejedor & Les Pandereteres presenten el so primer discu ‘L’Entamu‘ p’Amosando, ciclu de conciertos en formatu íntimu retresmitíos al traviés d’Internet. Nel so nuevu proyectu, la veterana artista folk Eva Tejedor entemez temes de composición propia xunto a reelaboraciones de pieces tradicionales, dando como resultáu unos cantares que lleven a la pandereta a nueves posibilidaes sonores. Too ello acompañada de Les Pandereteres y de los reputaos músicos Javier Tejedor, Pepín de Muñalén y Rubén Bada.